وحشتيني والدنيا برد قوي من غيرك

مش ممكن أبتدي السنة الجديدة من غير ما أقول إن السنة اللي فاتت عدت عليَّ صعبة قوي زي السنين اللي قبلها من غيرك يا تيتة.

عارفة أكتر حاجة بتخليني أتعب قوي من غيرك؟ إن الحيطة بتجيب برد.. أيوة بتجيب برد جامد قوي. وكل حاجة بتجيب برد شديد قوي قوي قوي. مش عارفة أنام يا تيتة.

فاكرة لما كنت بنام جنبك وتدفيني؟

طيب فاكرة لما كنت أنسى أحط المخدة وكنتِ تزعقي لي وتحطيها بنفسك ع الحيطة عشان الحيطة ما تجبش برد عليَّ؟

أقولك إيه يا تيتة..

طب فاكرة لما كنتِ تحضنيني قوي علشان البرد والدنيا تبقى في منتهى الدفا؟

مشتاقة للدفا يا تيتة...

بحاول أتدفا ومش عارفة. بفكر لو أنا في بيت ومش حاسة بالدفا طب والناس اللي بايتة يا حرام في العراء وف عز الشتا البارد دا ومتغطيين بس ببطانية أو اتنين.. كان إيه بيدفيهم يا تيتة؟

طب كان إيه بيدفيني أنا وأنتِ؟

لو الدفا بطاطين ما كانش الواحد شعر أبدًا بالبرد، بس الدفا أكبر من مجرد بطانية ولحاف قطن تقيل.

الدفا كان قلبك وحضنك يا تيتة.

سلام يا 2011 طلبناه منك... سلام يا 2012 عليكِ وعلينا يا رب

واحنا بنودع 2011 لازم أذكر حاجات بعينها حصلت لي

* كان نفسي أجمَّع الخواطر اللي بكتبها في كتاب وحصل في"جاءني السيد بيانو" رغم كل التعقيدات اللي حصلت لي. *شفت تيتة في منامات كثيرة وحسيت من خلالها بتحقيق حاجات معينة كتفسير لأحلامي دي.

*رحت أماكن حلوة كتير قوي وأخدت منها معلومات وأخبار.

*تنبأت بحاجات كتير حصلت وحاجات لسه هتحصل بس بكل أسف ما فيش حد يساعدني إننا نلحقها قبل ما تبقى كارثية بسبب التفاؤل غير المبرر من البعض.

*قابلت أشخاص كنت أتمنى مقابلتهم ومن أحسن الشخصيات اللي قابلتها كانت أبلة فضيلة وأجمل حاجة لما غنيت لها الغنوة اللي كنت بحب أسمعها بعد حدوتة كانت بتحكيها:(نانا القطة نانا..جت لعبت معانا.. لفت لفت قالت إيه. بحب الأمانة.بحب الأمانة)

*عملت ندوات كتيرة وحضرت ندوات كتيرة برضو.

* شاركت في حوارات ولقاءات وعبرت عن فكري كتير.

* رحت إسكندرية لوحدي مع صاحباتي الحلوات ولعبنا وانبسطنا قوي.

* رحت القناطر مع صحابي بالعجلة بتاعتي.

* أكلت عيش وملح كتير مع ناس كتير برضو ويا رب يديم بيننا المحبة والوفا والدفا.

* عملت تدوينات يومية شهر أغسطس كله.

* عملت كحك العيد برضو كله مع ماما وحسيت بفرحة كانت بتدخلها تيتة علينا كل سنة.

* حاجات كتير ناسياها بس أكيد هفتكرها لما أسيب تعليقاتي هنا ولما كل واحد يشاركني بتعليق حاجة حلوة قوي حصلت له السنة دي....

حلمت بيها وكأنها بتقول لي: كل سنة وأنتِ طيبة

إمبارح حلمت بتيتة. مش غريبة عليها تجيني في الحلم زي العادة تعيِّد عليَّ.
كنت قاعدة على سريرها وكنت هلعب أنا وهي واتنين تانيين وهنعمل قُرعة وقال هنخلي اللي يطلع مننا يجري ونجري وراه.
ساعة لما طلعت هي بعد ما عملنا كيلو بامية
قلت لأ ممكن بدال ما تيتة تجري ونجري وراها هي تكتب كلمة ع الكي بورد بتاعة النت بوك بتاعي واحنا نخمن الكلمة إيه
وأعطيتها النت بوك
بس غريبة لقيتها بتخلع كل الأزرار من على الكي بورد
مش عارفة الصورة دي غريبة
وأنا كنت مش زعلانة قوي منها لما عملت كدة
مش عارفة تفسير دا إيه!!
بس برضو فرحانة بيها إنها كانت جاية حتى تلعب معي وأنا في الحلم

صباح الخير يا تيتة وكل سنة وأنتِ معي في قلبي وعقلي وتفكيري

صورة لأحب الصور إليَّ

ماجدة الرومي - احتاج اليك ‏

One day I was forced to leave my love for sake of people who do not respect my dignity. I was wrong & today I regret, but, I trust Allah will never let me alone!

أمصيري أن أمشي، وغدي أمسٌ؟؟

أحتاجُ إليكَ وأهربُ منكَ وأرحلُ بعدك من نفسي

في بحر يديك أُفتش عنك

.....

فالحبُّ فرار والبعدُ قرار

وأنا

أنا
أنا
أنا

أنا لا أملكُ أن أختار

أنا لا أملك أن أختار
***************************************************

رحل الطيبون جميعهم
لم يبقَ سواك
خشيتُ أن أمسسكَ بسوء
فابتعدت
...
لم يكن الفراق صعبًا عليك
كان لي كفراق روحي عن الجسد
...
رحم الله الطيبين
رحمهم جميعًا
ورحمني
إذ لا تفارقني الذكرى
..
ولا الألم

عن نفسي حبَّة..

في حاجات كتيرة كنت بسمعها من سن صغيرة وبستغربها جدًّا. منها وصف حالة التركيز أثناء المذاكرة. لما كنت صغيرة وكنت بشوف الناس بتتكلم عن المذاكرة والتركيز وتقيس مدى التركيز في المذاكرة من عدمه كنت بندهش لهم: إزاي بتعرفوا تتكلموا أصلًا عن حاجة زي دي!! طب هو إيه معناه التركيز دا؟! مش فاهمة يعني إيه!! وواللهِ كبرت على كدة وما فهمت معنى التركيز في المذاكرة اللي بيتكلموا عنه..!!
حاجة غريبة لما تلاقي واحد من دون مناسبة بيوصفك إنك دمعتك قريبة! طب يعني إيه أصلًا دمعتك تكون قريبة؟ واللهِ حقيقي مش فاهمة يعني إيه دمعتك تبقى قريبة بتعرفها منين!!
طب إزاي رغم إني عمر ما بكيت قدام الشخص دا استنتج إن دموعي قريبة؟
وازاي استنتج برضو الناس نسبة التركيز؟
علم النفس واستشفاف حالات الناس من الحاجات اللي على عيني وراسي، لكن مازلت مش مدركة ليه إحنا بنتكلم عن نفوسنا ونفوس الناس!
طيب إزاي تقدر توصف الدواخل بتاعة الناس بالصورة دي؟!
مهما كان برضو طريقة وصفي لشخص إن دموعه قريبة أو إن تركيزه في المذاكرة مش ولابد دا بعتبره تعديًا على دواخل نفوس البعض.
تفتكروا بالفعل إننا على مقدرة تامة بهذا الوصف العجيب؟؟ أنا شخصيًّا لا أستطيع الحكم على نفس الشخص أمامي بهذه الدقة إلا في حال شره، لأن شر الإنسان أمامي هو مقياسي الوحيد لمعرفة كيف أتصرف معه.
في النهاية برضو أكتشف إني لا أجيد فن وصفي الداخلي، علاوة على فشلي في الشكوى وإقناع الناس بها. ربما فشلت في الشكوى للناس، لكن لمَّا أشكو لله رب العالمين أجد على الفور علامة على من أشتكيه تنذرني بأن الله انتقم لي فيه. وأنا أنتظر انتقام الله في كل مَن أطلق رصاصاته الغادرة صوب أبناء الوطن. وعمَّا قريب ويقينًا سنرى قدرة الله فيهم وفي أولادهم.

ديسمبر... شهر ميلاد الطيبين

ذات مرة قال لي أحدهم: شهر ديسمبر هو شهرُ ميلاد الطيبين.

لم أكد أسمعها حتى طِرتُ فرحًا بها..

نعم فهناك الكثيرون ممن وُلِدوا في ديسمبر.

....

كنتُ أفرحُ بالشمعات الأولى في كعكة عيد ميلادي..

واحد

اثنان

ثلاث

أربع...

عشرون

اثنان وعشرون

...

إلى السابعة والعشرين

كنتُ أحسِب عمري بالشهر

ما إن مرَّ شهرٌ في عمري، حتى أرى ابتساماتي تتراجع

الذكريات الحلوة بالبسمات الجميلة أراها أمامي

لا تغفل عنها عيوني

تتراءى كلها بالمواقف

حتى ذكريات الشباب

أراها من بعيد

أغاني الطفولة الجميلة ...

ورقصات الأطفال بكرانيش الفساتين

كلها ألوان تزهو أمامي

تزفني إلى مصيري الأخير

قبل أن يقترب بكثير

أريدُ أن أرى لها متعة

وأجدها عني تتباعد

فلا أتمسك بها بأطرافي الصغيرة

لأنها في النهاية

ما كانت إلا...

دنيا

راعٍ ورعية

قال معقل بن يسار المزني سمعت رسول الله صلى الله عليه وسلم يقول (ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة).المصدر: صحيح مسلم.




من هنا أبدأُ الحديث



تروي إحداهن إن أبًا قد فعل فيها وفعل، وتروي الأخرى ظلم زوجها، بينما تروي الثالثة

هجر إخوتها الثلاثة من الذكور لها.


هناك بيننا مستضعفون، ربما لا نراهم لكن الله يراهم. من بين المستضعفين النساء

اللاتي سأحكي عنهن هنا

.
هن لسن إلا نتاج عائلة كان ربها عنها غافلًا، فكان كالذي حمله الله كتابًا فألقى بهِ

وطرحه عنه، ولم يكتفِ بل وداسه بقدميه.


إحداهن لها ثلاثة من الإخوة لم تتحرك لهم نخوة عندما سمعوا بطمع الجار، الذي

استأجرَ لديهم في بيت العائلة القديم حيث تسكن هي بمفردها بعد أن حالت الظروف

والسنون دون زواجها، فتجرأ عليها وضربها على مرأى ومسمع من الجميع في

الشارع، وقال لها: إخواتك راميينك!


تتسول ليل نهار العطف والحنان من أي شقيقٍ لها، وتحاولُ أن تطرقَ أبوابهم، لكن لا


مفرَ من الاستهانة بالغشاوة التي يستحلها كلُّ مَن استرعاه الله رعية.


الثانية لها أبٌ لم ترَ منه حنانًا قط في

أحلكِ ظروفِ حياتها. يتقدم بها

العمر والأبُ يومًا عن يومٍ ينساها،

بل ويكره أن تكونَ ناجحة لامعةً

براقة. كلما رأى منها ما يُزيدها علمًا ونجاحًا، اندفع بين الناس بادعاءاتهِ ضدها كي

يكسرها ويهزمها. والمسكينة تحتاجُ إلى مَن تلقي في أحضانه جزءًا من هموم الدنيا،

فلا تجد. ضاع الأبُ، الرفيق، الصديق، الأخ الذي ربما كان لها سترًا وقتَ افتضحَ

الجميعُ كل أخبارِ مَن فاتها قطارُ الزواج.

الثالثة زوجة ترعى صغارها ولا ترى من زوجها أدنى رعاية. تخرجُ في الصباح تحملُ

الكتبَ والكراسات لأبنائها الصغار، ومن بينهم اثنان شاء الله ألَّا تحملهما ساقاهما،

فتدفعهما على عربة وتحرصُ على أن ينالا من التعليم ما لم تنل.

القصص الثلاثة بيننا

الأبُ

الأخ


الزوج

وربما تناقلنا جميعًا الآيات التي تحثُّ على طاعة الوالدين دون أن

نقرأ هذا الحديث، فالظلمُ الذي تتعرضُ له النساءُ في هذه القصص

لا يدفع أيًّا منهن إلى طاعة زوج أو ولي أو حتى أب.


هل يكلِّفُ الله نفسًا إلا وسعها؟


هل العدل أن أطلب منك الإحسان وأنتَ لم تعلمنيه؟


كيف بالله عليكم؟



عندما تسألني عن عدل الحاكم، أجيبك بظلم المحكومين...


ساعتها فقط تستطيع أن تدرك لماذا نرى عقوق الوالدين، وجرائم قتل الزوج للزوجة

والأب لأبنائه والأبناء لوالديهم، فالقوانينُ في الطبيعة لا تطلبُ من الفعل ألَّا يُصدِر ردًا

له. فلكل فعل رد فعل مساوٍ له في المقدار ومضاد له في الاتجاه.



اتقوا الله واستوصوا بهنَّ خيرًا ولا تستهينوا بوصية


الرسول!!!