سلامتك يا مرقد الجنبين ياللي شافك القلب قبل العين
حبيبي الغالي.. ابني
راجل المستقبل الجميل اللي هيستناني في الجنة وياخد بإيدي وإيد أبوه
معلش اتأخرت عليك كتير
تفتكر أنا كان ممكن أركب أي قطار وأوصل لك بسرعة؟؟ المجري مثلًا؟
واللهِ انتَ واحشني كتير.. كتير كتير قوي
وصعبان عليَّ بعادك عني يا أعز حاجة وجزء مني
بس أعمل إيه؟!
إيديك الصغيرة دي كانت على بالي أمسكهم وتفضل تقفلهم على صوابعي..
ودانك الحلوين دول نفسي أول حاجة تسمعها في الدنيا صوت تكبير بابا فيهم واحدة أذان والتانية إقامة.
رجليك الصغنونة دي نفسي أشوفها زي ما تيتة بتاعتي كانت بتحكي لي عنها وتقول إن جدي كان تملي بيقول لها لما يشتاق للولاد الحلوين: نفسنا في أبو كف أحمر.
عارفة هتعيط وتملا وداني وأوأااااااااات كتير.. وطي صوتك شوية علشان بابا نايم في آاااااخر البيت مخصوص علشان ما يزعجناش هههههههههههه على أساس يعني إن هو مصدر إزعاجنا!
مش هتنطق بقى وتقول بابا وماما؟
مش هزعل يا سيدي لو قلت بابا الأول حتى لو كان بابا دا انتظرته علشان خاطرك كتييييييير وجه في الآاااااااخر خالص
ما هو لازم تقول بابا إحنا أخدناها كدة لما قالوا إن أسهل حاجة على شفتك النونو تقولها الأول: بابا
سامحني يا ابني.. كل شيء في زماني صعب كان ييجي.. صعبان عليَّ إنك تتولد فرق بيني وبينك سنين طويلة. كان نفسي تلعب مع ولاد خالك وتكون من سنهم، ولا حتى مع ولاد بنات خالاتي اللي هيكونوا خالاتك، بس مش مهم برضو انتَ هتفضل جميل وحلو وصغنوون وسطهم.
اللي عاوزاك تطمن له إني انتظرت أبوك كتير علشان تبقى انتَ أحلى وأجمل ابن لأفضل وأغلى وأعلى أب في الدنيا.
ابني الجميل
طولت عليك الغيبة بس ربنا مش ناسينا وهيجمعنا ولو ما جمعنا في الدنيا هيجمعني بيك في الجنة.
:)
حبيبي الغالي.. ابني
راجل المستقبل الجميل اللي هيستناني في الجنة وياخد بإيدي وإيد أبوه
معلش اتأخرت عليك كتير
تفتكر أنا كان ممكن أركب أي قطار وأوصل لك بسرعة؟؟ المجري مثلًا؟
واللهِ انتَ واحشني كتير.. كتير كتير قوي
وصعبان عليَّ بعادك عني يا أعز حاجة وجزء مني
بس أعمل إيه؟!
إيديك الصغيرة دي كانت على بالي أمسكهم وتفضل تقفلهم على صوابعي..ودانك الحلوين دول نفسي أول حاجة تسمعها في الدنيا صوت تكبير بابا فيهم واحدة أذان والتانية إقامة.
رجليك الصغنونة دي نفسي أشوفها زي ما تيتة بتاعتي كانت بتحكي لي عنها وتقول إن جدي كان تملي بيقول لها لما يشتاق للولاد الحلوين: نفسنا في أبو كف أحمر.
عارفة هتعيط وتملا وداني وأوأااااااااات كتير.. وطي صوتك شوية علشان بابا نايم في آاااااخر البيت مخصوص علشان ما يزعجناش هههههههههههه على أساس يعني إن هو مصدر إزعاجنا!
مش هتنطق بقى وتقول بابا وماما؟
مش هزعل يا سيدي لو قلت بابا الأول حتى لو كان بابا دا انتظرته علشان خاطرك كتييييييير وجه في الآاااااااخر خالص
ما هو لازم تقول بابا إحنا أخدناها كدة لما قالوا إن أسهل حاجة على شفتك النونو تقولها الأول: بابا
سامحني يا ابني.. كل شيء في زماني صعب كان ييجي.. صعبان عليَّ إنك تتولد فرق بيني وبينك سنين طويلة. كان نفسي تلعب مع ولاد خالك وتكون من سنهم، ولا حتى مع ولاد بنات خالاتي اللي هيكونوا خالاتك، بس مش مهم برضو انتَ هتفضل جميل وحلو وصغنوون وسطهم.
اللي عاوزاك تطمن له إني انتظرت أبوك كتير علشان تبقى انتَ أحلى وأجمل ابن لأفضل وأغلى وأعلى أب في الدنيا.
ابني الجميل
طولت عليك الغيبة بس ربنا مش ناسينا وهيجمعنا ولو ما جمعنا في الدنيا هيجمعني بيك في الجنة.
:)
ليست هناك تعليقات:
إرسال تعليق
أشكر لك المتابعة والتفاعل بالتعليق