الفجر بيفكرني بك. إنسان جميل طويل عريض كبير بحبه قوي.
ياخدنا في حضنه ويشتري لنا عروسة المولد والحصان والفانوس والأكل الجميل اللي حبيناه لحد النهاردة من صورته وهو بيحط كل لقمة منه في بقنا.
رغم السنين اللي بتمر بحس نفسي في كل فجر البنوتة اللي لسه صغيرة قوي قوي قوي وبتجري علشان رجلها اللي أقصر من رجلين أخوها توصل لجلابية جدو الكبير خالص علشان تلحق ترمي نفسها على ضهره الجميل وتشب وهو واقف يصلي.
طب بالليل هنعمل نفسنا كلنا نايمين أنا وهو وبدال ما بابا وماما يشيلونا وينزلونا ننام في سرايرنا هننام في الصالون عند تيتة لحد الصبح.. قصدي يعني لحد الفجر لما تقوم يا جميل ونفتح عينينا عليك وانتَ مبلول بمية الوضوء بتبوسنا بشنباتك اللي بتشوكني في خدي الناعم الصغير.
هتخانق واتناكف برضو معاه علشان أشب وأطلع على كتفك وأوصل زي ما هو بيوصل لك قبلي. وهمسك رقبتك جامد قوي وانتَ بتركع وبعدين بتسجد وأحس إني بتزحلق وانتَ ساجد وتقوم وأحس إني متشعلقة على كتافك العريضة الجميلة اللي بمسك فيهم قوي علشان أحضنك.
لما كبرت وقريت وعرفت سيرة الرسول إنه كان بيصلي كدة مع أولاده ويتمرجحوا كدة برضو على كتافه حبيتك أكتر بكتير.. جدو فيه من صفات الرسول.
جدو الجميل
واحشني قوي، ويمكن لازم أفتكرك وأفتكر كل اللي بتعمله معانا رغم إنك ممكن تكون بتميزه عني ف حاجات وتخليه يعمل فيَّ حاجات تسببت إنه في يوم يقول لي آية من سورة في القرآن بتتكلم عن مريم: وليس الذكر كالأنثى.
يجوز افتكرتك، ويمكن مش هنساك، قصدي مش يمكن قوي لأنه أكيد. أصلي بحبك.
ياخدنا في حضنه ويشتري لنا عروسة المولد والحصان والفانوس والأكل الجميل اللي حبيناه لحد النهاردة من صورته وهو بيحط كل لقمة منه في بقنا.
رغم السنين اللي بتمر بحس نفسي في كل فجر البنوتة اللي لسه صغيرة قوي قوي قوي وبتجري علشان رجلها اللي أقصر من رجلين أخوها توصل لجلابية جدو الكبير خالص علشان تلحق ترمي نفسها على ضهره الجميل وتشب وهو واقف يصلي.
طب بالليل هنعمل نفسنا كلنا نايمين أنا وهو وبدال ما بابا وماما يشيلونا وينزلونا ننام في سرايرنا هننام في الصالون عند تيتة لحد الصبح.. قصدي يعني لحد الفجر لما تقوم يا جميل ونفتح عينينا عليك وانتَ مبلول بمية الوضوء بتبوسنا بشنباتك اللي بتشوكني في خدي الناعم الصغير.
هتخانق واتناكف برضو معاه علشان أشب وأطلع على كتفك وأوصل زي ما هو بيوصل لك قبلي. وهمسك رقبتك جامد قوي وانتَ بتركع وبعدين بتسجد وأحس إني بتزحلق وانتَ ساجد وتقوم وأحس إني متشعلقة على كتافك العريضة الجميلة اللي بمسك فيهم قوي علشان أحضنك.
لما كبرت وقريت وعرفت سيرة الرسول إنه كان بيصلي كدة مع أولاده ويتمرجحوا كدة برضو على كتافه حبيتك أكتر بكتير.. جدو فيه من صفات الرسول.
جدو الجميل
واحشني قوي، ويمكن لازم أفتكرك وأفتكر كل اللي بتعمله معانا رغم إنك ممكن تكون بتميزه عني ف حاجات وتخليه يعمل فيَّ حاجات تسببت إنه في يوم يقول لي آية من سورة في القرآن بتتكلم عن مريم: وليس الذكر كالأنثى.
يجوز افتكرتك، ويمكن مش هنساك، قصدي مش يمكن قوي لأنه أكيد. أصلي بحبك.
ليست هناك تعليقات:
إرسال تعليق
أشكر لك المتابعة والتفاعل بالتعليق