ما تزعليش مني عشان لسه عارفة بيوم وفاتك. كان نفسي أكلمك قوي قوي. هتوحشني رقتك وتعبيرك الجميل عن الحب ليَّ ولكل زميلة لينا في الفصل. لسه فاكرة الصبح بدري لما كنا نعدي على البيت عندك ونستنى أو نطلع نخبط وتفتحي.
طعم الفاصوليا الخضرا اللي عمري ما دقتها إلا على إيديكِ الحلوتين.
كل شيء جميل يا سالي وضحكك الصافي وبراءتك كلهم يا سالي بيخلوني عليكِ أدمع.
سالي علاء الدين
ساكنة قدام الداخلية في البيت العالي على الناصية.
يا سلام يا سالي لما زرتك آخر مرة واتفرجت على رحلتك لليابان!
أد إيه كانت جميلة الصور قبل ما أعرف سبب مرواحك... عملية زرع فص كبد... سلامتك يا سالي يا ريتني كنت انا.
لو هقولك أد إيه وجعت قلبي المكالمة دي لما نسرين كلمتني وقالت لي لازم نقف جنب ماما.
حقيقي يا سالي أنا هنفطر عليكِ.. بس أنا متأكدة إنك بذوقك وأدبك وأخلاقك وطيبتك وحسك العالي هتبقي في الجنة.
واتمنى نكون كلنا مع أغلى البنات
معكِ يا سالي.
ليست هناك تعليقات:
إرسال تعليق
أشكر لك المتابعة والتفاعل بالتعليق