يا ترى تفتكروا؟؟؟

كتاب العربي بتاع سنة أولى ابتدائي كان فيه شخصيتين: أمل و عمر.أمل و عمر في الحديقة.أمل و عمر يلعبان الكرة و الكرة تقفز.و في نهاية الكتاب كان هناك الجمل و الكتكوت.يا ترى لسه فاكرين؟؟؟؟
كتاب الحساب بتاع سنة تالتة ابتدائي كان بندرس فيه النص و الربع و التلت و كانوا بيمثلوهم لنا بالرغيف.
كتاب العربي في سنة تالتة كان فيه درس قراءة بعنوان مصطفى كامل و كانت صورته الشهيرة بالطربوش الأحمر و ميلاده سنة ألف و تمنمية و حاجة و وفاته برضو.
على فكرة من كتر حبي في الدرس ده كنت بمشي في الشارع و أقوله عشان كنت حافظاه.
و كمان صورة مصطفى كامل قلدتها و رسمتها و كنت فرحانة بيها جداً.
فاكرين كتاب العربي في سنة رابعة و درس الأصدقاء السعداء اللي كانت فيه التلاميذ زعلانة من بعضهم و تصالحم و منهم واحدة اسمها سعاد و كان في واحد مبيحبش يشرب اللبن و بيقول:(لكني اليوم شربت اللبن كله) عبارة مش ممكن أبداً هنساها.
فاكرين كتب سنة خامسة ابتدائي لما كان فيه نماذج الأسئلة و الأجوبة؟؟؟ و كتاب العربي المميز اللي كان عليه بنوتة لون فستانها لبني و عيونها لبني و شعرها أصفر و بتمد إيديها كدة بطريقة معينة؟؟؟
فاكرين في أولى إععدادي درس الحطاب الغلبان اللي كان ماشي بيقول: أفسحوا الطريق انتبهوا و عدى عليه ابن الأمير و اتلكك للحطاب الغلبان و قطع قميصه فراحوا الاتنين و اختصموا أمام القاضي اللي نصف الحطاب عشان كان بيصرخ بصوت عالٍ: أفسحوا الطريق انتبهوا!!
كان في درس كمان لصديق سافر و ترك زعلة مليئة بالنقود الذهبية تحت زيتون فخانه الصديق عندما أوحت له الزوجة أن هناك شيئاً ما تحت الزيتون.و بعودة الصديق يسأل صديقه الخائن للأمانة عن الجرة فإذا به لا يجد ما ادخره تحت الزيتون.و يختصمان أمام القاضي فلا يحكم بالعدل لحيرته في هذه المسألة وتصير الحكاية من أشهر ما يجري على ألسنة الناس في المدينة ثم يتناولها غلمان في الطريق فيمثلون المحكمة و يرون الحل في أن يتذوق القاضي الزيتون فإذا ما كان قديماً فالمدعي صادقاً و هكذا يعيد القاضي الأصلي النظر في القضية و يكافئ الغلمان و بخاصة الغلام الذي قدم حلاً للقضية المحيرة.
فاكرين قصة علاء الدين و المصباح العجيب؟
الشيماء؟
أسماء بنت أبي بكر؟
حمزة بن عبد المطلب و هند بنت عتبة التي قضمت كبده؟ كنتُ كلما تذكرت المشهد أردتُ أن أقضم قلبها القاسي لكنني سمعتُ أنها أسلمت و تابت عما فعلت.
فاكرين كتاب العربي بتاع سنة خامسة ابتدائي اللي كان فيه درس في آخر الكتاب و اسمه:"الفأر القارض للشعر" و كان الفأر لا يقرأ و لا يكتب و لكنه عندما سمع بيت الشِّعر القائل: عندها المهارة كي تصيد فاراً.فقرض الفأر الشعر. و هنا المفارقة فقارض الشِّعر المقصودة في النص كانت مَنْ يحفظه و يعرف معانيه و يؤلفه و هو الماهر بالشعر. أما القارض هنا كانت للفأر الذي قرضها بأسنانه غيظاً من القط.
هاهااااااا
فاكرين في تالتة إعدادي درس محمود تيمور؟
و سهير القلماوي؟
شخصيات كانت رائعة
يتغنى بها مدرسنا الأستتاذ عاطف حسين فتعلق بأذهاننا لهذه اللحظة.
فاكرين إيه و لا إيه و لا إيه؟
اللي يفتكر درس يا ريت يا جماعة ما ينساش يتكلم عنه.
هكون سعيدة بيه و بالدرس و بالذكريات الجميلة الطيبة.
دمتم لي