والدنيا بررررررد قوي عن البرد اللي كنت بعاني منه وبتعاني أنتِ كمان منه من كام سنة.
فاكرة يا تيتة لما المطر كان بيغرق الدنيا؟
طب فاكرة لما كان المطر بيملا سطح البيت وأطلع بالمساحة وأفتح البلاعة وأنزل المية؟
طب فاكرة لما كنتِ تخافي عليَّ وتنادي بعلو حسك عشان أنزل من المطرة والبرد عشان ما اعياش؟
الله يا تيتة عليكِ وعلى أيامك!
طب ممكن يا تيتة أطلب منك طلب؟
ممكن أتخيل إنك معايا كل يوم وبتغطيني باللحاف وتحطي ورايا المخدة الصغيرة وتكلفتيني قوي من البرد؟
طب ممكن أحس بنفسك من تحت اللحاف والبطانية بيدفيني؟
طب ممكن ما تصحينيش زي عادتك كل يوم وتقولي لي إن اللحاف والدفا ما بيحلوش غير ساعة الصحيان؟
طب هو أنتِ بجد ممكن تبقي جنبي لو أنا حسيت بكدة، وتشاركيني الدفا، وتدفيني؟
وحشتيني قوي يا تيتة
ووحشتني خالص البطانية ولحافك.
ليست هناك تعليقات:
إرسال تعليق
أشكر لك المتابعة والتفاعل بالتعليق