اقراني

اقراني عشان أنا سطر اتعود على عين باصاله
اقراني عشان قلبي اللي اتنهد بيحب يدوب في آماله
اقراني
***
تعرف لو كنت قريت الكلمة اللي في بطني
كنت عرفتني من غير ما أكون جملة..اتنين علشان تفهم
تعرف لو كنت تعبت معايا عشان تفهم
كنت تبص لي نظرة إعجاب
تعرف تقراني؟
***
بس اما بتقرا يكون بحساب
تعرف تقراني..عشان ضحكي و فرحي و ألمي مش ممكن تلاقيه أبدًا في كتاب
تعرف تقراني
عشان ألمي مهما تراكم و لا ييجي ف يوم نقطة في ضميري عذاب
تعرف تقراني
قبل اما تخلص كل كلامي
هتلاقي عيونك بصت على سطري
و هلاقي إيديك لعبت بين صفحاتي
و هكون م الآخر أحلى شيء في عيونك
أصلي ببساطة كدة مكتوب في كتاب