كان انتصارك
يوم العبور
زي النهاردة يا مصر كان الفرح
بس النهاردة يا مصر الحزن مالي
الربوع
**********
زي النهاردة اتوهمنا إن الفوارس رجال
نزلوا يقيموا بلدنا ويزينوا جبهة ميدان
و يشيلوا حزنك يا غالية و يمسحوا لك دموع
أتاري حزنك يا غالية ما يمسحوش جربوع
**********
زي النهاردة يا أمي كان انتصار الرجال
فرح الشوارع بنصرك جوه قلوب العيال
عدوا علينا السنين لقينا قهرك ملاكي
صبح شهيدك ولادك واللي قتلهم بكاكي
وبدلة ميري و سلاح واقف بيدي التمام
لكل غادر و آثم عامل قصادك همام
**********
زي النهاردة كان اجتياح
العدو عدوك و الخير حبيبك
و الأخ ساندك إيده ف إيدك
بس اللي باين إنه ناسيكي
ناهب ولادك خيره ما ليكي
و اللي ماليكي فرحك و شال
غزلك و نسجك فرح العيال
كله ما ليكي كله ما ليكي
لكن لغادر ناهب ما ليكي
حالف ليبقى حزنك ماليكي
نزفك و دمك ع الأرض سال
حزنك جبال
حزنك جبال
فين الرجال؟
فين الرجال؟
من تحت شمسك وقفوا لحارسك
هتفوا بقوة يلعن مجالسك
يلعن ترابك اللي باعوه جزم البيادة اللي تآنسك
ولسه حارسك ماله ماليكي
مالك و وِلدك دمك ما ليكي
و اللي فاضلك عمره ما ليكي
حالف يذلك ينهب ما ليكي
زي النهاردة
جميل يارانيا وإلى الأمام دائما
ردحذفربنا يبارك فيك أشكرك
ردحذفأتاري حزنك يا غالية ما يمسحوش جربوع
ردحذفدا حتي عيب لو مسح حزنها الجرابيع ...... امال الاحرار والاشراف راحو فين ........... اكيد جاهزين من يوم خمسه وعشرين
جيدة جدا ربن يولع فى حسنى
ردحذفراااااائعه جدااا يا رانيا
ردحذفسلمت يداكى اختى العزيزه
أشكركم أحبائي و أتمنى دوام التواصل معكم.
ردحذفجميلة اوي ياحبيبتي
ردحذفاستمري ف الكتابة
بكرة هتبقي حاجة كبيرة ان شاء الله
أشكرك يا جميلة
حذفدا من ذوقك